ما بنختارش
ما بنختارش حياتنا الجاية
ابدا ما بنختارش
ما بنختارش ونيجى الدنيا
وبرضك ما بنختارش
حتى الأسم وحتى الأهل
ابدا مش بادينا
حتى ظروفنا بتفرض روحها
وتقيد خطاوينا
بعد ده كله يقولو اختارنا واحنا ما بنختارش
بنرفرف بجناحنا الأخضر
ع الطير ما بنقدرش
ونخطى لطريق الحلم لكن ما بنوصلش
احلامنا بتضيع فى السكة
حلم وراه التانى
وادينا بتمسك فى الوهم
والناس ما بتعذرش
ما بنختارش حياتنا الجاية
ابدا ما بنختارش
ما بنختارش ونيجى الدنيا
وبرضك ما بنختارش
حتى الأسم وحتى الأهل
ابدا مش بادينا
حتى ظروفنا بتفرض روحها
وتقيد خطاوينا
بعد ده كله يقولو اختارنا واحنا ما بنختارش
نصبر ع الأيام تتغير
برضه ما تتغيرش
واما ساعات تدينا الوهم
برضك ما يصبرش
زى سراب يخدعنا نجرى عليه بالشوق
نحضن وهمه الجارح بحنين ما يفكرش
ياما كسرنا زمانا
وسنينا ما تجبرش
وعيونهم شايفانا وبرضه ما تتأثرش
ولا بيمدو اديهم ياخدو بايدنا التايهة
حتى عيونهم قاسية نظرتها ما ترحمش
ما بنختارش حياتنا الجاية
ابدا ما بنختارش
ما بنختارش ونيجى الدنيا
وبرضك ما بنختارش
حتى الأسم وحتى الأهل
ابدا مش بادينا
حتى ظروفنا بتفرض روحها
وتقيد خطاوينا
بعد ده كله يقولو اختارنا واحنا ما بنختارش
انتهت
17 ديسمبر, 2006 04:03 م