لمن تركتينا يا سلمى
يا صديقتى من بعدك اشكى له همى
وبيده يمنحنى الامان من بعدك يشاركنى ضحكاتى من بعدك يشجعنى على الكتابة عزائى الوحيد اننى متأكدة انك الان فى الجنة لانك لم تؤذى احد عمرك كله كنتى كنسمة فى حر الدنيا ا
اعذرونى يا اصدقاء واحة حنين ان انقطعت عنكم لفترة فقد جف القلم ليعطى للدموع فرصة تكتب بدلا منه
الهم الله الصبر لكل من عرف سلمى وألهم الله حبيبها الذى كان على بعد خطوات من ان يكون زوجها فلم يحتمل قلبها الضعيف كل هذه السعادة
الصبر يا سامح وعش حياتك لكى تكون سلمى سعيدة فى رحاب الله
رشا السيد
رحلةألم
ياوردة عودها انكفى
يا شمعة نورها انطفى
يا شمس غابت م الوجود
وخدت معاها الدفا
يا وردة كان شوكها
يجرح ايدين اللى يقرب
تتحدى كل اللى يشوفها
وتقوله حاول او جرب
غدر الزمان قوم انذار
وفى غدره مش محتاج انذار
قام انكسرعودها وفاتها فى الشوك تتعذب
ياوردة عودها انكفى
يا شمعة نورها انطفى
يا شمس غابت م الوجود
وخدت معاها الدفا
يا شمعة كان نورها فى طريقى يهدينى
واما انطفى نورها
بكت دموع عينى
نورك طفى
قبل الأوان
يا قلب عوضنى الحنان
بعدك ما فيش قلب
قربه حيرضينى
ياوردة عودها انكفى
يا شمعة نورها انطفى
يا شمس غابت م الوجود
وخدت معاها الدفا
شمس الشموس كنتى كنت فى نورك بدوب
فى سمايا بتلالى وما جربتيش غروب
هزمك ضلام الليل
ليله قاسى وطويل
بعدك تهنا وضعنا فى ضلمة الدروب
ياوردة عودها انكفى
يا شمعة نورها انطفى
يا شمس غابت م الوجود
وخدت معاها الدفا
انتهت
17 يناير, 2007 06:36 م