غافى
الموج بيرد لحضن البحر
والشوك متربى فى حضنه الصبر
قلبك غافى بين ضلوعى وانا نومى مجافينى
واشمعنى انت قلبك طوعك
وانا قلبى اللى عاصينى
وياك اتخط على جبينى تجرحنى وادارى فى حنينى
واشرب للا خر مر الهجر
بكرة يا ناكرشوقى وخيرى
لما تجرب تعشق غيرى
وانت بياخدك جرح التانى
تتصعب على زمنى وخيرى
وحتشكى مر الشكوى وبدمع ندم تنادينى
وياك اتخط على جبينى تجرحنى وادارى فى حنينى
واشرب للا خر مر الهجر
بتغلف بالشهد مرار
وتصبرنى بنار اعذار
حفضل لامتى مصدقاك
انفاسى ملت الانظار
الحلم شاب قبل ما ينده
وحالف جرحى ليبكينى
وياك اتخط على جبينى تجرحنى وادارى فى حنينى
واشرب للا خر مر الهجر
حافظ على شوقى يدوم
لحسن تلقانى فى يوم
سراب بيفر ف كفك
والحلم يتيم موهوم
ولا مليون اسف تندهنى ولا دمع العالم يراضينى
وياك اتخط على جبينى تجرحنى وادارى فى حنينى
واشرب للا خر مر الهجر
انتهت
أضف تعليقا
<<الصفحة الرئيسية