بتصادف افرح ماالحقش تغصبنى الضحكة وما اضحكش
كاتبانى الايام مجروح وحالفة الفرحة ما تتصدقش
السعادة ليها ناسها عمرى يوم ما كنت منهم
دنيا خيالة بفرسها تطوى خطوتها سنينهم
حالف جرحى يوم ما يموتش
بتحايل على ايامى لاجل جراحها ما تمر
قاصدة تخطى بشويش تسقينى حنينها المر
طالت رفقة احزانى ولا يرحم حالى زمانى
ولا ليلة فرحة تسر
السعادة ليها ناسها عمرى يوم ما كنت منهم
دنيا خيالة بفرسها تطوى خطوتها سنينهم
حالف جرحى يوم ما يموتش
شبيت على طوق الجرح وشاب الحلم فيا
ولا شاف الحلم النور ولا حتى بيموت فيا
سكنانى الدمعة وحالفة ما تمر سنينى الخايفة
وهى مصاحبة فى عنيا
السعادة ليها ناسها عمرى يوم ما كنت منهم
دنيا خيالة بفرسها تطوى خطوتها سنينهم
حالف جرحى يوم ما يموتش
ليه بس الاحلام والدنيا راضيين يتعازمو على جرحى
ما صعبتش ليه لحظة عليهم بيدارو ليه حظى وفرحى
وشراعى مكسورمن بدرى من قبل ما اخطى لبحرى
وبكايا ساكن فى ملامحى
السعادة ليها ناسها عمرى يوم ما كنت منهم
دنيا خيالة بفرسها تطوى خطوتها سنينهم
حالف جرحى يوم ما يموتش
انتهت
أضف تعليقا
<<الصفحة الرئيسية