احضان الخداع
خلى حضنك شوق برىء
خلى دمعك جرح يتصدق
سيبنى احس انى ظلمتك وان قلبى بأختياره كان اصدق
ارسم ملامح دهشتك ع الوش غش
لوم على شكى وخبى الوش
واطوى فى براءة احضان الخداع
سيبنى اصدق انه ما بتكدبش
لما حسيت عنيها بتنادى محبتك
عارفاك انك صديقى ليه تمشى سكتك
ليه بادين الحبايب الجرح يكون نصيبى
ليه خلتها برضاك تتنفس دنيتك
ارسم ملامح دهشتك ع الوش غش
لوم على شكى وخبى الوش
واطوى فى براءة احضان الخداع
سيبنى اصدق انه ما بتكدبش
ياما داريت دموعك فى احضانى عشم
ياما داويت جراحك ياما شاركتك ألم
كنت صديق فى المحن
وفى غربتك ونس
يكون الجرح وعدى واحصد وردك ندم
ارسم ملامح دهشتك ع الوش غش
لوم على شكى وخبى الوش
واطوى فى براءة احضان الخداع
سيبنى اصدق انه ما بتكدبش
مش راح اجيب لك سيرتها
مش راح يبعدنا جرح
صعب انسى سنين قاسمتك احلام وعيش وملح
حافضل اخوك و صاحبك يحضن كفى دموعك
ايه اقوى م اللى بيننا
يرمح فى قلبوبنا رمح
ارسم ملامح دهشتك ع الوش غش
لوم على شكى وخبى الوش
واطوى فى براءة احضان الخداع
سيبنى اصدق انه ما بتكدبش
انتهت
أضف تعليقا
<<الصفحة الرئيسية